Tadbirda maktab ma'muriyati, o'qituvchilar, o'quvchilar hamda mehmonlar ishtirok etdilar. Ochilish marosimida o'quvchilar o'rtasida o'tkazilgan she'rxonlik tanlovi g'oliblari faxriy yorliq va esdalik sovg'alari bilan taqdirlandi.

Yangi kutubxonada nafaqat badiiy adabiyotlar, balki fanga oid, ma'rifiy va ta'lim resurslar ham joy olgan. Shuningdek, mazkur kutubxona Alisher Navoiy nomidagi Milliy kutubxonaga elektron tarzda ulangan bo'lib, o'quvchilar internet orqali yurtimizdagi yirik axborot manbalariga ham bevosita murojaat qilish imkoniyatiga ega bo'ladilar. Kutubxona yil davomida faoliyat yuritib, hatto yozgi ta'til paytida ham o'quvchilarga xizmat ko'rsatadi.