Oromgohda bolalarning ta'til davrini mazmunli va foydali o'tkazish, ularning ijodiy salohiyatini rivojlantirish, bo'sh vaqtlarini maroqli oʻtkazishlari va sog'lom turmush tarzini shakllantirish uchun barcha sharoit yaratilgan.

Bu maskanda har kuni bolalar uchun turli madaniy-ma'rifiy tadbirlar, sport musobaqalari, rasm chizish, qo'shiq va raqs to'garaklari hamda intellektual o‘yinlar uyushtirilmoqda. Ta'lim muassasasining tajribali o‘qituvchi-murabbiylari bolalarning yozgi taʼtil davrida mazmunli va xavfsiz dam olishini ta'minlash uchun bor mahoratini ishga solishyapti.