Kuni kecha Yunusobod tumanidagi 9-sonli ixtisoslashtirilgan davlat umumta'lim maktabida Oʻzbekiston taʼlim fan xodimlari kasaba uyushmasi tuman Kengashi, tuman maktabgacha va maktab taʼlimi boʻlimi, Maʼnaviyat va maʼrifat markazi tuman boʻlimi hamkorligida “Inson qadri, el-yurt baxti uchun” mavzusida maʼnaviy- maʼrifiy tadbir oʻtkazildi. 

“Oʻzbekiston kasaba uyushmalari kuni” munosabati bilan uyushtirilgan tadbirda tuman maktabgacha va maktab taʼlimi boʻlimi boshligʻi S.Kirgizbayev, tuman taʼlim va fan xodimlari kasaba uyushmasi Kengashi, Maʼnaviyat va maʼrifat markazi tuman boʻlinmasi rahbarlari, faxriy ustozlar, taʼlim muassasalari maʼnaviy-maʼrifiy ishlar boʻyicha direktor oʻrinbosarlari, kasaba uyushmalari raislari ishtirok etdilar. 

Eng faol pedagog-xodimlar qimmatbaho sovgʻalar bilan taqdirlandi. O'quvchilar tomonidan namoyish qilingan badiiy dastur barchani xushnud etdi.