Bugungi kunda poytaxtimizdagi mavjud 334 ta umumta'lim maktabida 465 ming nafarga yaqin o‘quvchi ta'lim olmoqda. Yangi o‘quv yilidan boshlab «Yo‘l harakati intizomi bolalikdan boshlanadi» shiori ostida  maktab o‘quvchilariga yo‘llarda, chorrahalarda va piyodalar o‘tish joylarida harakatlanish asoslarini amaliy-ko‘rgazmali tarzda o‘rgatish yo‘lga qo‘yildi. 2022-2023 o‘quv yilining ilk kunlaridan barcha umumta'lim maktablarida "Diqqat bolalar" haftaligi o‘tkazilmoqda. Toshkent shahar IIBB Yo‘l harakati xavfsizligi boshqarmasi xodimlari tomonidan yo‘l yoqasida joylashgan maktablarga YPX xodimlari biriktirilib, yo‘l transport vositalari hamda piyodalarning tartibli harakatlanishi ta'minlanmoqda.