Bugun Toshkent davlat iqtisodiyot universitetida Toshkent shahar maktabgacha va maktab ta'limi boshqarmasi tomonidan “Ta'limda boshqaruv: Zamonaviy yondashuv va yangi talablar” mavzusida amaliy seminar o'tkazildi.

Seminarda Maktabgacha va maktab ta'limi vaziri Hilola Umarova qatnashdi va so'zga chiqdi. Jumladan, unda maktab rahbarlarining yangi ta’Iim siyosati, maqsad va vazifalarini amalga oshirishga bo‘lgan munosabati va kasbiy qobiliyatlarini kuchaytirish borasidagi muhim vazifalari alohida ta'kidlab o'tildi.

Shuningdek, tadbirda Pedagogik mahorat va xalqaro baholash ilmiy-amaliy markazi direktori Dilrabo Davidova, Toshkent shahar maktabgacha va maktab ta'limi boshqarmasi boshlig'i Nilufar Husanboyeva hamda boshqalar so'zga chiqdi. Unda poyoniga yetgan o'quv yilida erishilgan yutuqlar e'tirof etilib, yo'l qo'yilgan xato-kamchiliklar tanqidiy tahlil qilindi.