Kecha futbol bo'yicha O'zbekiston (U-17) o’smirlar terma jamoasi Tailandda o'tkazilayotgan Osiyo kubogining chorak finalida Saudiya Arabistoni futbolchilarini 2:0 hisobida mag'lubiyatga uchratdi. Bu g’alaba o’smirlarimizga nafaqat yarim final, shuning bilan birga joriy yil Indoneziyada bo'lib o'tadigan jahon chempionatiga yo'llanmani tuhfa etdi. Nufuzli musobaqada O'zbekiston terma  jamoasi tarkibida  23-raqamda  to'p surayotgan Dilshod  Abdullaev  Yunusobod  tumanidagi 122-sonli umumta'lim maktabining 11-sinfida o'qiydi. U raqib jamoa  darvozasiga gol urib, O'zbekiston terma jamoasi g’alabasiga munosib hissa qo'shdi.