Bugun, Axborot va ommaviy kommunikatsiyalar agentligi binosida “Besh tashabbus olimpiadasi”ning 2024-yilgi mavsumini tashkil etish va o’tkazishga mas’ul bo’lgan barcha vazirlik, idora va tashkilot hodimlari ishtirokida matbuot anjumani bo’lib o’tdi.

Anjuman davomida bu yilgi mavsumda bo’ladigan yangiliklar haqida batasil ma’lumotlar berildi. Xususan, oldingi yillari “Besh tashabbus olimpiadasi” 1 yilda 2 marotaba o’tkazilgan. Bu mavsum esa mart oyidan dekabr oyiga qadar o’tkaziladi. Bunda mahalla yoshlari uchun 26 ta loyiha, maktab o‘quvchilari o‘rtasida 8 ta loyiha, professional ta’lim muassasalari o‘quvchilari o‘rtasida 5 ta loyiha, oliy ta’lim muassasalari talabalari o‘rtasida 6 ta loyiha, shuningdek ilk bor vazirlik, idora va tashkilotlarning quyi tizimidagi xodimlari o‘rtasida 6 ta loyiha oʻtkaziladi.