Poytaxtimizda zamonaviy shart-sharoitlarga ega umumta'lim muassasalari soni tobora ortib bormoqda. Jumladan, Yunusobod tumani “Sobirobod” mahallasida joylashgan  259-sonli umumta'lim maktabi to'liq mukammal ta'mirlanib, tantanali foydalanishga topshirildi. Tantanali marosimda Toshkent shahar maktabgacha va maktab ta'limi boshqarmasi boshlig'i N.Husanboyeva, Yunusobod tumani hokimi o'rnibosari J. Nabiyev, sektor rahbarlari,mahalla faollari va ota-onalar ishtirok etdi. Davlat investitsiya dasturi asosida kapital ta'mirlangan mazkur maktab 1280 nafar o'quvchi tahsil oladi. Unda sport zallari, sinf xonalari, oshxona zamonaviy jihozlandi. Muhimi, ta'lim-tarbiya sifati va samaradorligini oshirish uchun barcha qulaylik yaratildi.