Poytaxtimizning Yunusobod tumani “Ahilobod” mahallasida joylashgan 246-sonli umumta'lim maktabida 1-oktyabr — O'qituvchi va murabbiylar kuni hamda mazkur ta'lim muassasasining 50 yilligi munosabati bilan bayram tadbiri o'tkazildi. Tadbirda tuman hokimligi, tuman prokuraturasi, tuman maktabgacha va maktab ta'limi bo'limi mas'ullari, mahalla faollari, ota-onalar hamda shu maktabni turli yillarda bitirgan sobiq bitiruvchilar taklif etildilar. Taniqli sa'natkorlarning chiqishlari bayramga yanada fayz kiritdi. O'quvchilar tomonidan tayyorlangan badiiy dastur barchada katta taassurot qoldirdi.