Joriy yilning 6-fevral sanasida Yunusobod tumani 5-sonli umumta’lim maktabiga Oʻzbekiston Respublikasi Qurolli Kuchlar Akademiyasiga qisqa muddatli amaliyot oʻtash maqsadida kelgan, Frantsiya Qurolli Kuchlari Sen-Sir Koetkidan harbiy maktablar majmuasi huzuridagi Umumqoʻshin harbiy maktabi kursanti kichik leytenant Fransua-Andre Kyukshi  tashrif buyurdi. Tashrif chog‘ida mehmon maktabda davlatimiz tomonidan o‘quvchilarga yaratilgan shart-sharoitlar, maktab binosi, kututbxona va sport zali, shuningdek maktabdagi chaqiruvga qadar boshlang‘ich tayyorgarlik fani xonasida bo‘lib, o‘quvchi yoshlarni Vatanparvarlik ruhida tarbiyalash maqsadida olib boriladigan tadbirlar bilan tanishdi. O‘zini qiziqtirgan savollarga javob olib, maktab yuqori sinf o‘quvchilari bilan avtomat yig‘ishda bellashdi.