Poytaxtimizning Olmazor tumanidagi 22-sonli umumta'lim maktabida o‘quvchilar o‘rtasida “Jaholatga qarshi — ma'rifat!” hamda “Konstitutsiya – erkinligimiz kafolati” mavzularida Respublika ijodiy ishlar ko‘rik-tanlovi  o‘tkazildi. Yakunda “Jaholatga qarshi — ma'rifat!” mavzusidagi ijodiy tanlovning Toshkent shahar bosqichi g‘olibi deb Yunusobod tumanidagi 260-sonli umumta'lim maktabining 8-sinf o‘quvchisi F.Imamova e'tirof etildi. “Konstitutsiya — erkinligimiz kafolati” ko‘rik-tanlovining Toshkent shahar bosqichi g‘olibligi Mirzo Ulug‘bek tumanidagi 256-sonli umumta'lim maktabining 11-sinf o‘quvchisi Sh.Axmedovaga nasib etdi. Shuningdek, tadbirda Toshkent shahar "Barkamol avlod" bolalar maktabi o‘quvchilari tomonidan tayyorlangan kontsert dasturi namoyish etildi.