Poytaxtimizning Yunusobod tumanidagi 260-sonli umumta’lim maktabida qishki ta’til kunlaridan unumli foydalanib, “Kreativ yondashuv asosida zamonaviy va sifatli ta’limni yo‘lga qo‘yish – davr talabi” mavzusida seminar-trening o‘tkazildi.

Tuman xalq ta’limi bo‘limi metodisti Gulbahor Rahimova boshchiligida tajribali va mahoratli ustozlar tomonidan ona tili va adabiyot hamda o‘zbek tili fanlaridan dars mashg‘ulotlari o‘tkazish asosida o‘qituvchilar o‘zaro tajriba va fikr almashishdi. Mahoratli ustozlar seminardan olgan o‘z taassurotlarini hamkasblari bilan o‘rtoqlashib, zimmalaridagi vazifalarni amalga oshirish yuzasidan taklif va mulohazalar bildirdilar.