Xabaringiz bor, 23 yanvar, dushanba kunidan poytaxtimizdagi umumta’lim muassasalarida III chorak o‘quv mashg‘ulotlari boshlanadi.

Mutaxassislarning bildirishicha, o‘quvchilar ta’lim oladigan sinfxonalarda havo harorati +18 darajadan past bo‘lmasligi talab qilinadi. O‘rganishlar yakuniga ko‘ra, ertaga mavjud 335 ta’lim muassasasidan 278 tasida III chorak dars mashg‘ulotlari boshlanadi.

Ammo havo harorati yuqorida belgilanganidan past ko‘rsatkichga ega 57 ta umumta’lim muassasasida uzluksiz ta’lim jarayonlari bosqichma-bosqich boshlanishi rejalashtirilgan. Jumladan, Bektemir tumanidagi 345-, 346-, 347-, 348-, Mirobod tumanidagi 83-, 94-, Mirzo Ulug‘bek tumanidagi 54-, 209-, Olmazor tumanidagi 1-, 28-, Sergeli tumanidagi 33-, 68-, 269-, 352-, Uchtepa tumanidagi 199-, 251-, Chilonzor tumanidagi 79-, 101-, 114-, 138-, 162-, 163-, 168-, 173-, 178-, 179-, 181-, 182-, 183-, 184-, 188-, 201-, 202-, 232-, 270-, 280-, 281-sonli umumta’lim maktablari, 4-sonli maxsus maktab-internati, Shayxontohur tumanidagi 19-, 39-, 59-, 82-, 85-, 92-, 132-, 141-, 167-,  169-, 180-, 186-, Yunusobod tumanidagi 87-, 259-sonli, Yangihayot tumanidagi 2-, 3-, 334-, Yashnobod tumanidagi 145-sonli umumta’lim maktabi, 77-sonli ixtisoslashtirilgan maktab-internatlarida sinfxonalarda havo harorati me’yoridan pastligi tufayli dars mashg‘ulotlari masofaviy ta’limga o‘tkaziladi.