Bugun O‘zbekistonda xizmat ko‘rsatgan o'qituvchi Mirfozil Mirzaahmedov qutlug‘ 85 yoshni qarshiladi.  Maktabgacha va maktab ta’limi vaziri Hilola Umarova ustozning xonadonida bo‘lib, tavallud ayyomi bilan tabrikladi. Ta’kidlash kerakki, Mirfozil ustoz 58 yildan buyon fidoyilik bilan yoshlarga ta’lim va tarbiya berib kelmoqda.  Uning shogirdlari orasidan 11 nafar fan nomzodi va fan doktori yetishib chiqqan. Vazir Mirfozil Mirzaahmedovni chin yurakdan tabriklab, o‘z ezgu tilaklarni bildirdi hamda “Xalq ta’limi fidoyisi” ko‘krak nishonini topshirdi.