Toshkentdagi Britaniya menejment universitetida maktab o'quvchilari o'rtasida o'tgan biznes olimpiadasining Ecocollector loyihasi bo'yicha faxrli birinchi o'rin 223-sonli umumta'lim maktabi o'quvchilariga nasib etdi. Jamoaning har bir a'zosiga BMUda tahsil olish uchun 50 foizlik grant hamda maktab kutubxonasiga 5000000 so'mlik adabiyotlar sovg'a qilindi. Ikkinchi pog'onani 71-sonli umumta'lim maktabi vakillari egalladi hamda 20 foizlik grant, o'z ta'lim muassasasi kutubxonasi uchun 4000000 so'mlik adabiyotlarni yutib oldi. Olimpidaning Bridge loyihasi bo'yicha munosib qatnashgan 246-sonli umumta'lim maktabi o'quvchilariga 20 foizlik grant va 3000000 so'mlik kitoblar jamlanmasi nasib etdi.

Shuningdek, 5-sonli umumta'lim maktabi vakillari GST Community loyihasining «Social» maxsus nominatsiyasida g'olib chiqdi va BMUda tahsil olish uchun 20 foizlik grant sohibiga aylandi.