20-may kuni poytaxtimizning Yunusobod tumanidagi 288-sonli umumta'lim maktabida Toshkent shahar IIBB Yo'l harakati xavfsizligi boshqarmasi bilan bilan hamkorlikda umumta'lim maktablari o'quvchilari o'rtasida “Yashil chiroq — 2023” ko'rik-tanlovining shahar bosqichi bo'lib o'tdi. Unda barcha shartlarni a'lo darajada bajarib, eng ko'p ball jamg'argan Olmazor tumanidagi 191-sonli umumta'lim maktabi jamoasi faxrli birinchi o'rinni egalladi va Respublika bosqichiga yo'llanmani qo'lga kiritdi. Mirobod tumanidagi 110-sonli ixtisoslashtirilgan davlat umumta'lim maktabi vakillari ikkinchi, Yunusobod tumanidagi 288-sonli umumta'lim maktabi o'quvchilari uchinchi o'rinni egalladi.