Poytaxtimizning Yunusobod tumanidagi 273-sonli umumta'lim maktabida "Prokuror va yoshlar” uchrashuvi uyushtirildi. Unda Toshkent shahar prokurorining o'rinbosari U.Mamarajabov, Yunusobod tuman prokurori Ya.Abdurahmjnov, Toshkent shahar maktabgacha va maktab ta'limi boshqarmasi boshlig'i o'rinbosari O.Jumayev hamda tuman aholi bandligiga ko'maklashish markazi, tuman yoshlar agentligi, Yunusobod tumani Davlat soliq inspeksiyasi vakillari ishtirok etdi. Tadbir doirasida “Mehnat yarmarkasi” tashkil etildi. Maktab bitiruvchilaridan 50 nafari yangi ish o’rinlari bilan ta'minlanib, yo'llanmalar berildi.