Yunusobod tumanidagi 88-sonli umumta'lim maktabida yuqori sinf o'quvchilar ishtirokida “Ma'naviyat hayotimizda yangi kuch, yangi harakatga aylanishi kerak!” shiori ostida davra suhbati o'tkazildi.

Unda Toshkent davlat yuridik universiteti professori A.Babadjanov, tuman adliya bo'limi boshlig'i A.Negmatov ishtirok etdi va so'zga chiqdi. Ular o'z so'zida yurtimizda yoshlarga har tomonlama va yuksak g'amxo'rlik ko'rsatish davlat siyosatining ustuvor sohalaridan biri hisoblanishi, aholining teng yarmidan ko'pini tashkil etuvchi yoshlar jo'shqin va serg'ayrat ekani, mamlakatimizning zamonaviy asoslarda yanada taraqqiy etishining tayanch kuch-qudrati sanalgani uchun davlatimizning doimiy e'tiborida bo'lib kelayotganligini alohida ta'kidladilar.

Samimiy kechgan muloqot so'nggida mutaxassislar bitiruvchi-yoshlarni qiziqtirgan ko'plab savollarga javob berishdi.