Bugun butun yurtimiz bo‘ylab olimpiada jarayonlari bo‘lib o‘tmoqda. Qoraqalpog‘iston Respublikasida matematika, o‘zbek tili, qoraqalpoq tili va adabiyoti, rus tili va adabiyoti, qozoq tili fanlaridan, Surxondaryo viloyatida tarix, informatika va axborot texnologiyalari, geografiya, tojik tili fanlaridan,Toshkent shahrida ko‘zi ojiz va zaif ko‘ruvchi maxsus maktab-internatlari o‘quvchilari o‘rtasida ona tili va adabiyot, matematika, tarix, rus tili va adabiyoti fanlaridan Asosiy olimpiadaning IV (respublika) bosqichi tashkil etilmoqda. 

Olimpiada natijalariga ko‘ra g‘oliblikni qo‘lga kiritgan o'quvchilar Vazirlar Mahkamasining 562-son qaroriga muvofiq g‘oliblikni qo‘lga kiritgan fanidan OTMlarga kirish imtihonlarida maksimal bal beriladigan imtiyozga ega bo‘ladi.  Shuningdek, g‘olib o‘quvchilar va ularning ustozlari belgilangan tartibda pul mukofotlari bilan taqdirlanadi