Lavozim vazifalari:
a) O‘zbekiston Respublikasining "Buxgalteriya hisobi to‘g‘risida"gi Qonuni, O‘zbekiston Respublikasi Prezidentining 2017 yil 21 avgustdagi “Ta’lim va tibbiyot muassasalarini moliyalashtirish mexanizmini hamda davlat moliyaviy nazorati tizimini yanada takomillashtirish to‘g‘risida”gi PQ-3231-sonli qarori, O‘zbekiston Respublikasi Moliya vazirining 2010 yil 17 dekabrdagi 105-son buyrug‘i bilan tasdiqlangan “Byudjet tashkilotlarida buxgalteriya hisobi to‘g‘risidagi Yo‘riqnoma”, O‘zbekiston Respublikasi Xalq ta’limi vazirining 2017 yil 31 oktabrdagi “Tuman (shahar) Xalq ta’limi bo‘limlari markazlashtirilgan moliya-buxgalteriya xizmati to‘g‘risida Nizomni tasdiqlash haqida”gi 346-sonli buyrug‘i va u bilan tasdiqlangan “Tuman (shahar) Xalq ta’limi bo‘limlari markazlashtirilgan moliya-buxgalteriya xizmati to‘g‘risida Nizom”ga amal qilgan holda ish yuritadi;
b) rejalashtirish, moliyalashtirish, mehnat va mehnatga haq to‘lash ishlarining uzilishlarsiz, bir maromda yuritilishini ta’minlaydi; buxgalteriya, statistika hisobi va hisobotining amaldagi qonunchilik va ichki me’yoriy hujjatlarda o‘rnatilgan tartib qoidalar asosida yuritilishi, moliya-xo‘jalik faoliyati natijalari hisobining to‘g‘ri chiqarilishi, oylik, choraklik, yarim yillik va yillik hisobotlarning tegishli organlarga o‘z vaqtida to‘liq taqdim etilishini ta’minlaydi; pul mablag‘lari, moddiy boyliklar va asosiy vositalarning hisobi to‘g‘ri olib borilishini ta’minlaydi; davlat budjeti va nodavlat jamg‘armalari to‘lovlarini, davlat ijtimoiy sug‘urtasi badallarini, ssuda bo‘yicha qarzlarni, oylik ish haqi va ularga tenglashtirilgan to‘lovlarni, shuningdek shartnoma asosidagi to‘lovlar, bojlar va boshqa yig‘imlarning o‘z vaqtida to‘lanishini ta’minlaydi;
v) to‘liq moddiy javobgarlik to‘g‘risidagi shartnomalar tuzilishini tashkil etadi, buxgalteriya hujjatlarini o‘z vaqtida va to‘g‘ri rasmiylashtirilishini hamda amalga oshirilayotgan operatsiyalarining qonuniyligini nazorat qiladi;
g) budjet va budjetdan tashqari mablag‘larni xarajatlar smetasida ko‘zda tutilgan maqsadlar doirasida to‘g‘ri va tejamli sarflanishini ta’minlaydi;
d) moliya organlariga oylik, choraklik, yillik tezkor hisobot va balanslarni tuzib topshiradi (№ 1-shakl, 2-shakl, 1-ox, 2-rj, debitor va kreditor qarzdorlik);
e) O‘zbekiston Respublikasi Vazirlar Mahkamasining 2002 yil 25 yanvardagi «Aholining ijtimoiy himoyaga muhtoj qatlamlarini aniq yo‘naltirilgan tarzda qo‘llab-quvvatlashni 2002-2003 yillarga mo‘ljallangan dasturni amalga oshirish chora-tadbirlari to‘g‘risida»gi 33-sonli qarori va tarbiyalash (patronat) uchun oilalarga berilgan yetim bolalarni kiyim-bosh va poyabzal bilan ta’minlash hamda bolani o‘z tarbiyasiga olgan tutingan ota-onalarga nafaqa to‘lash tartibi to‘g‘risidagi Nizomning 1, 2, 3-ilovalariga muvofiq pul mablag‘larini berib borishni nazorat qiladi va kiyim-bosh bilan ta’minlaydi;
j) xodimlarning oylik maoshini hisoblash, ularni o‘z vaqtida berib borilishini ta’minlash, moddiy va pul mablag‘larini to‘g‘ri saqlanishi va sarflanishini ta’minlaydi;
z) buxgalteriyada sub schotlar bo‘yicha tahliliy hisob kitoblar yuritadi;
i) DSI va statistika hisobotlarini topshiradi;
k) tekshirilgan va hisobga olish uchun qabul qilingan hujjatlar sanasi bo‘yicha tartiblashtirilib, memorial-orderlar jamg‘arma vedomostlar bilan rasmiylashtiradi;
l) jamg‘arib boriladigan pensiya badallari reyestrni tuzish, ularni Xalq banki bo‘limiga topshirish, o‘tkazilgan badallarni to‘g‘riligini tekshirish uchun taqqoslama dalolatnomalar tayyorlaydi;
m) tuman pensiya jamg‘armalariga nafaqa, suyunchi puli va kasallik varaqalari bo‘yicha to‘lanadigan pul mablag‘lariga talabnoma topshirish va ularni berib borilishini ta’minlaydi;
n) moliya-buxgalteriya xizmati faoliyatiga rahbarlik qiladi, buxgalteriya xodimlari o‘rtasida vazifalarni taqsimlaydi va taqsimlangan vazifalarning buxgalteriya xodimlari tomonidan bajarilishini ta’minlaydi, xodimlar bilan hisob-kitoblar bo‘yicha hisobchilarga ta’lim muassasalarini biriktiradi, vakolatiga kiruvchi masalalar bo‘yicha tizimdagi tashkilotlar va ta’lim muassasalariga metodik yordam ko‘rsatishni tashkil etadi;
o) O‘zbekiston Respublikasi Prezidenti va Vazirlar Mahkamasining xalq ta’limi tizimini takomillashtirish bilan bog‘liq barcha qarorlari bo‘yicha joylardagi ta’lim xodimlari o‘rtasida tushuntirish ishlarini olib borish, ularga amaliy yordam ko‘rsatish, bu borada yuzaga keladigan tushunmovchiliklar va muammolarning o‘z vaqtida yechimini topishni ta’minlaydi;
p) O‘zbekiston Respublikasi Moliya vazirligining “Asosiy vositalarni hisobdan chiqarish tartibini tasdiqlash to‘g‘risida”gi buyrug‘iga (Adliya vazirligida 2001 yil 5 aprelda 1023-son bilan ro‘yxatga olingan) asosan xalq ta’limi bo‘limi va ta’lim muassasalarining yaroqsiz holga kelgan asosiy vositalarini hisobdan chiqarish bo‘yicha tegishli hujjatlarni boshqarmaga taqdim etadi;
r) xalq ta’limi bo‘limi tasarrufidagi tashkilotlarning chorak va yillik moliyaviy hisobotlari topshirish muddatlarini belgilaydi, moddiy boyliklar va pul mablag‘lari hisobini tashkil etish va ularni qayta ro‘yxatdan o‘tkazish muddatini belgilaydi;
s) markazlashgan mablag‘lar, markazlashgan tadbirlar o‘tkazish bilan bog‘liq shaxsiy hisob varaqlar bo‘yicha sarf-xarajatlar smetasida ajratilgan mablag‘larning hisob-kitobini yuritadi;
t) xalq ta’limi bo‘limi va tasarrufidagi tashkilotlarning budjet loyihalarini, xarajatlar smetasini va shtatlar jadvalini ko‘rib chiqadi, bu masala bo‘yicha boshqa xodimlar bilan ishlarni tashkil etadi;
u) buxgalteriya hujjatlarini saqlanishiga javob beradi va ularning belgilangan tartibda arxivga topshirilishini, muhr va shtamplarning belgilangan tartibda to‘g‘ri yuritilishi va saqlanishi ta’minlaydi;
f) ko‘rsatilgan xizmat uchun to‘lovlarni davlat budjetiga o‘z vaqtida va to‘g‘ri o‘tkazish bo‘yicha hisob-kitob ishlarini olib boradi;
ch) xalq ta’limi bo‘limi va tasarrufidagi muassasalarda har qanday buyurtmalarni joylashtirish va shartnomalarni tuzishda raqobat muhitining bo‘lishini ta’minlaydi, xarid qilish tartib-taomillarini tashkil etish va o‘tkazish tartibiga rioya etilishini nazorat qiladi, elektron raqamli imzolaridan foydalanish tartiblariga rioya qiladi;
s) xalq ta’limi bo‘limi va tasarrufidagi muassasalarda muddati o‘tkazib yuborilgan debitor va kreditor qarzdorlik paydo bo‘lishiga yo‘l qo‘ymaslik choralarini ko‘radi;
ch) xalq ta’limi bo‘limi va tasarrufidagi muassasalarda kommunal xizmatlar iste’moli hisobini o‘lchash asboblarni o‘rnatish va ularning ishlashi ustida nazorat o‘rnatishni tashkil qiladi;
sh) xalq ta’limi bo‘limi va tasarrufidagi muassasalarda belgilangan limitlardan ortiqcha xarajatlarga yo‘l qo‘ymaslik choralarini ko‘radi, kommunal xizmatlar bo‘yicha o‘lchagich asboblar ko‘rsatkichlari asosida har oylik hisobotlarni o‘z vaqtida topshirish va kommunal xizmat ta’minotchilari tomonidan taqdim etilgan hisob-fakturalarni hisobotlar asosida to‘g‘ri belgilanganligini nazorat qilish va to‘lash ishlarini tashkil etadi;
e) moliyaviy-iqtisodiy masalalarga doir qarorlar, buyruqlar va shu kabi boshqa hujjatlar loyihalarini ishlab chiqadi;
yu) sud va majburiy ijro byurosi hujjatlari ijrosini ta’minlaydi;
ya) Yuqori tashkilotlar, jismoniy va yuridik shaxslarning murojaatlarini ko‘rib chiqadi, fuqarolarni qabul qiladi, murojaatlar yuzasidan rahbariyatga takliflar kiritadi;
o‘) Tayyorlagan va yuritayotgan hisob-kitoblari, qaydnomalari, ma’lumotlari va hisobotlarida qayd etgan ma’lumotlarning to‘g‘riligiga javobgardir;
q) Xalq ta’limi bo‘limi mudiriga bo‘ysunadi.
g‘) Amaldagi qonunchilikka asosan moddiy javobgar shaxsdir.
