Lavozim vazifalari:
a) mutasaddiligidagi tarkibiy bo‘linmalar faoliyatiga umumiy rahbarlik qilish va zimmasiga yuklangan barcha vazifalarni bajarish;
b) umumiy o‘rta ta’lim maktablari o‘quvchilarining davlat ta’lim standartlarini o‘zlashtirish monitoringi va fanlar bo‘yicha o‘quvchilar bilimlaridagi kamchiliklarni aniqlash va ularni bartaraf etish choralari ko‘rish;
v) iqtidorli o‘quvchilarni izlab topish, ularning qobiliyatlarini ro‘yobga chiqarish, maktablar, ularning rahbarlari, o‘qituvchilar faoliyatiga baho berish va ularning reytingini aniqlash;
g) idoraviy mansubligi, mulkchilik shaklidan qat’iy nazar ta’lim muassasalariga metodik rahbarlikni takomillashtirish va ularda o‘quvchilarni kasb-hunarga yo‘naltirish ishlarini tashkil etish;
d) o‘quv-tarbiya jarayoniga zamonaviy metodlar, ilg‘or pedagogik texnologiyalarni joriy etish chora-tadbirlarini amalga oshirish;
e) ta’lim jarayonida axborot-kommunikatsiya texnologiyalaridan samarali foydalanishni tashkil etish;
j) umumiy o‘rta va maktabdan tashqari ta’lim tizimini rivojlantirishga qaratilgan yagona davlat siyosatining amalga oshirilishini ta’minlash;
z) pedagog xodimlar, metodistlar va o‘quvchilar ishtirokida tanlov hamda ommaviy tadbirlar o‘tkazish ishlarini tashkil qilish;
i) umumiy o‘rta ta’lim maktablarini dasturiy-metodik materiallar bilan ta’minlash, ulardan foydalanish samaradorligini ekspertizadan o‘tkazish ishlarini amalga oshirish;
k) umumiy o‘rta va maktabdan tashqari ta’lim muassasalari rahbarlari hamda pedagog xodimlarini qayta tayyorlash va ularning malakasini oshirish ishlarini rejalashtirish, ular yuzasidan metodik va axborot materiallarini tayyorlash;
l) tajriba-sinov maydonlari ishiga rahbarlik qilish, metodik yordam ko‘rsatishni ta’minlash;
m) hafta, oy, yil mobaynida mutasaddiligidagi tarkibiy bo‘linmalar tomonidan amalga oshirilgan ishlar yakunini tahlil qilish, kamchiliklarni bartaraf etish chora-tadbirlarini belgilash va amalga oshirish;
n) pedagog xodimlarni attestatsiyadan o‘tkazish ishlarini tashkil qilish va ularning malakasini oshirishni rejali amalga oshirish;
o) jismoniy va yuridik shaxslarning murojaatlari bilan ishlash bo‘yicha hujjatlarni yuritilishiga umumiy boshqaruv;
p) kasbiy odob-axloq qoidalari, sanitariya-gigiyena talablari, mehnatni muhofaza qilish, texnika va yong‘in xavfsizligi qoidalariga rioya qilinishini ta’minlash.
